La Redaktilo
Mi uzas krucvort-redaktilo nomata Ingrid. Mi uzas Ingrid ĉar:- Ĝi estas (senkosta kaj) liberfonta
- Ĝi funkcias ĉe linux, windows, kaj mac
- Ĝi estas rimarkeble sen-cima, rapida, kaj moderne dezajnita
Pri la vortlisto, mi havas programaron kiu ĉerpas vortojn el kelkaj fontoj.
ReVo havas bone ordigitan gramatikon, kiun mi uzas por aldoni gramatikajn finaĵojn. Mi aldone uzas apostrofigitajn substantivojn eĉ se la resulta vorto ne estas facile elparolebla. Mi preferus ne, sed ĉiam temas pri malfacilaj elektoj ĉe la verkado de krucvortenigmoj. ReVo ankaŭ kategorias vortojn laŭ fako, kaj mi uzas tion por malpliigi la poentaron de vortoj en tro-specifaj fakoj kiu aliokaze superregus la liston pro kvanto. Mi uzas ReVo anstataŭ PIV aŭ aliaj, ĉar ĝi estas bone dokumentita kaj libere elŝutebla. Mi profunde aprezas la laboron de tiuj kiuj kreis tiun bonegan rimedon.
El la Tekstaro mi ĉerpas pliajn kunmetitajn vortojn, kontrolante ke la partoj estas en ReVo. Se vorto aperas en pli ol unu fonto, mi kolektas ĝin kaj atribuas poentojn laŭ komponentoj. Mi nur uzas la akuzativan formon de vortoj se ili aperas en vera fonto en akuzativa formo.
La permana listo estas malbone ordigita listo kiun mi verkis in guglo "sheets", el listoj de homoj kaj literatur/muzikaj verkoj de vikipedio. Tute indas krei pli kompleta listo de kulturaĵoj kaj interesaj vortoj. La plej bonaj listoj uzataj de tiuj kiuj verkas por la grandaj usonaj ĵurnaloj havas zorgeme tajlitajn vortlistojn krome al la grandaj vortarecaj listoj kiel la miaj.
Aldone al la tekstaro, mi alanizis ĉiujn miajn proprajn bit-librojn plejparte de Mondial. Entute temas pri 27 bitlibroj inkluzive de ok numeroj de la Belarta Almanako. De tie mi ankaŭ kontrolas ĉu la vortoj estas komponita el validaj vorteroj en ReVo. De tempo al tempo mi trovas nomon de iu/io kiu estas hazarde kalemburo de sensenca kombinaĵo de vorteroj. Post tio mi aldonas la vorton kun nul poentoj al la permana listo kaj ĝi ne plu ĝenas min.
Sube vi povas elŝuti miajn listojn aŭ vidi mian kodon.Mi uzas Vikipedion por esplori faktojn pri diversaj botanikaj, teĥnologiaj, religiaj terminoj kaj serĉas referencojn kiujn mi povas uzi kiel indikojn. Kompreneble ne ĉio en tiu retejo estas fidinda, sed ĝi certe utilas por inspiro. Se mi uzas nomon de esperantisto, ofte mi ĉerpas indikon de Vikipedio post fakt-kontrolo de ia alia fonto.
Mi ofte kontrolas ĉu vorto estas uzata en ajnaj Zamenhofaj proverboj, kaj mi uzas la proverbon kun ____ kiel indikon. Oni povas ankaŭ elekti proverbon kiel temo de enigmo, uzante tutajn frazerojn kiel solvoj por kelkaj grandaj indikoj. Oni povas trovi la proverboj ĉe Proverbaro.net. Mi uzis pdf al txt konvertilon por generi grep-eblan version.
Kiam mi ne povas elpensi sagacan indikon, ĉiam haveblas difinoj aŭ sinominoj en PIV kaj ReVo. Mi ofte kontrolas ambaŭ se mi volas esti certa pri la ĝusteco de rara senco. Foje mi uzas la vortarojn por serĉi vortojn laŭ kategorio aŭ literumado, por uzi ilin kolektive kiel temon de enigmo.